ನಮ್ಮ ಕಾಡುಗಳು ಎಲ್ಲಿ ಹೋದವು?

(ಚಿತ್ರಕೃಪೆ: ವನ್ಯಾ ಸಾಯಿಮಾನೆ)

ಹವಾಮಾನ ಬದಲಾವಣೆಯು ಪಶ್ಚಿಮ ಘಟ್ಟದಲ್ಲಿರುವ ತನ್ನ ಮನೆಯ ಮೇಲೆ ಹೇಗೆ ಪ್ರಭಾವ ಬೀರಿದೆ ಎಂಬುದರ ಬಗ್ಗೆ 15 ವರ್ಷದ ಭಾರತೀಯ ವಿದ್ಯಾರ್ಥಿನಿ ವನ್ಯಾ ಸಾಯಿಮಾನೆ ಬರೆಯುತ್ತಾರೆ.

ನಾನು ಹುಟ್ಟಿದ್ದು ಭಾರತದ ಪಶ್ಚಿಮ ಕರಾವಳಿಯುದ್ದಕ್ಕೂ ಸಾಗುವ ಪರ್ವತಗಳ ಒಂದು ಸರಮಾಲೆಯಾದ ಪಶ್ಚಿಮ ಘಟ್ಟದ ದಟ್ಟ ಕಾಡುಗಳ ಮಧ್ಯದಲ್ಲಿ. ಇಲ್ಲಿರುವ ನನ್ನ ಸಮುದಾಯದ ಜೀವನ ಕಣಿವೆಗಳು, ಕಾಡುಗಳು ಮತ್ತು ಪರ್ವತಗಳ ನಡುವೆ ನೇಯ್ದಿರುತ್ತದೆ. ಪಶ್ಚಿಮ ಘಟ್ಟಗಳು ನಮ್ಮ ಜನರನ್ನು ಕರಾವಳಿ ಪ್ರದೇಶಗಳ ಮೇಲೆ ಪರಿಣಾಮ ಬೀರುವ ಪ್ರವಾಹ ಮತ್ತು ಇತರ ನೈಸರ್ಗಿಕ ವಿಪತ್ತುಗಳಿಂದ ಸಂರಕ್ಷಿಸುತ್ತವೆ. ಪಶ್ಚಿಮ ಘಟ್ಟದ ಹಸಿರು ಮತ್ತು ಅದರಲ್ಲಿನ ಜೀವನೋತ್ಸಾಹವನ್ನು ನಾನು ಪ್ರೀತಿಸುತ್ತೇನೆ. ಅವು ನನಗೆ ಬಹಳ ವಿಶೇಷವೆನಿಸುತ್ತವೆ.

ಆದರೆ ಕೆಲವು ವರ್ಷಗಳಲ್ಲಿ, ಹವಾಮಾನ ಬದಲಾವಣೆಯು ನಾನು ಪ್ರೀತಿಸುವ ಎಲ್ಲದಕ್ಕೂ ಅಪಾಯ ಉಂಟು ಮಾಡುತ್ತಿರುವುದನ್ನು ನಾನು ನೋಡಿದ್ದೇನೆ. ಪಶ್ಚಿಮ ಘಟ್ಟಗಳು ಮತ್ತು ಅಲ್ಲಿ ವಾಸಿಸುವ ಜನರ ಭವಿಷ್ಯವು ಪ್ರವಾಹ, ಬರಗಾಲ, ಅರಣ್ಯನಾಶ ಮತ್ತು ಅಣೆಕಟ್ಟುಗಳು ಮತ್ತು ಪರಮಾಣು ವಿದ್ಯುತ್ ಸ್ಥಾವರಗಳ ನಿರ್ಮಾಣದಿಂದಾಗಿ ಈಗ ಅಪಾಯದಲ್ಲಿದೆ.

ನಾನು 5 ವರ್ಷದವನಿದ್ದಾಗ, ಮಳೆ ಸಾಮಾನ್ಯವಾಗಿ ಜೂನ್‌ನಲ್ಲಿ ಪ್ರಾರಂಭವಾಗುತ್ತಿತ್ತು. ಆದರೆ ನಾನು 10 ವರ್ಷದವನಿದ್ದಾಗ, ಮಳೆ ತಡವಾಗಿ ಬರಲು ಪ್ರಾರಂಭಿಸಿತು, ಇದು ನೀರಿನ ಬಿಕ್ಕಟ್ಟಿಗೆ ಕಾರಣವಾಯಿತು. 2019 ರಲ್ಲಿ, ನಾವು ವಿಪರೀತ ಮಳೆ ಮತ್ತು ಪ್ರವಾಹವನ್ನು ಕಂಡಿದ್ದೇವೆ. ಮತ್ತು ಈಗ, ನಾನು 15 ವರ್ಷದವನಾದಾಗ, ಮಳೆ ಬಹಳ ಮುಂಚಿತವಾಗಿ ಬರುತ್ತಿದೆ. ಮಳೆ ಬೀಳುವಿಕೆಯು ಇದ್ದಕ್ಕಿದ್ದಂತೆ ಕಡಿಮೆಯಾಗುವುದು ಅಥವಾ ಹೆಚ್ಚಾಗುವುದು ಸಾಮಾನ್ಯ ಲಕ್ಷಣವಲ್ಲ. ಹವಾಮಾನ ಬದಲಾವಣೆಯು ಸರಾಸರಿ ತಾಪಮಾನವನ್ನು ಹೆಚ್ಚಿಸುತ್ತಿದೆ. ಇದರಿಂದಾಗಿ ನೀರಿನ ವಿತರಣೆಯ ಮೇಲೆ ಪರಿಣಾಮ ಬೀರುತ್ತದೆ ಮತ್ತು ತೀವ್ರ ಬರಗಾಲಗಳು ಮತ್ತು ಪ್ರವಾಹವನ್ನು ಸೃಷ್ಟಿಸುತ್ತದೆ. 2019 ರಲ್ಲಿ, ನನ್ನ ಸ್ನೇಹಿತೆಯ ಗ್ರಾಮವು ಒಂದು ತಿಂಗಳು ಪ್ರವಾಹದಲ್ಲಿ ಸಿಲುಕಿಕೊಂಡಿತ್ತು. ಅವರಲ್ಲಿ ಅನೇಕರು ತಮ್ಮ ಮನೆಗಳನ್ನು ಕಳೆದುಕೊಂಡರು. ನೀರು ಬಹುತೇಕ ನನ್ನ ಮೊಣಕಾಲುಗಳವರೆಗೆ ಇತ್ತು ಮತ್ತು ಎಲ್ಲಾ ರಸ್ತೆಗಳು ಮುಚ್ಚಿಹೋಗಿದ್ದವು ಎಂದು ಅವಳು ಹೇಳುತ್ತಾಳೆ. ಅವಳು ತೋರಿಸಿದ ಫೋಟೋ ನನಗೆ ಇನ್ನೂ ನೆನಪಿದೆ: ಒಂದು ತೆಂಗಿನ ತೋಟವು ಸಂಪೂರ್ಣವಾಗಿ ನಾಶವಾಗಿತ್ತು. ನಮ್ಮ ಹಳ್ಳಿಯಲ್ಲಿಯೂ ಸಹ, ರಸ್ತೆಗಳನ್ನು ಮುಚ್ಚಿಹೋಗಿದ್ದವು. ನಮ್ಮಲ್ಲಿ ವಿದ್ಯುತ್ ಸಂಪರ್ಕ ಕಡಿದು ಹೋಗಿತ್ತು, ಫೋನ್ ಸಿಗ್ನಲ್ ಇರಲಿಲ್ಲ ಮತ್ತು ನಾವು ಮನೆಯಿಂದ ಹೊರಬರಲು ಹೆದರುತ್ತಿದ್ದೆವು.

(ಚಿತ್ರಕೃಪೆ: ಬಾಲಚಂದ್ರ ಹೆಗಡೆ ಸಾಯಿಮನೆ)

ನಮ್ಮ ಜೀವನದ ಪ್ರತಿಯೊಂದು ಅಂಶಗಳ ಮೇಲೆ ಪರಿಣಾಮ ಬೀರುವಂತಹ ಮಳೆ ಬೀಳುವಿಕೆಯಲ್ಲಿನ ಈ ಬದಲಾವಣೆಗಳನ್ನು ತಮ್ಮ 70 ವರ್ಷಗಳಲ್ಲಿ ಒಮ್ಮೆಯೂ ನೋಡಿರಲಿಲ್ಲ ಎಂದು ನನ್ನ ಅಜ್ಜ-ಅಜ್ಜಿಯರು ಹೇಳುತ್ತಾರೆ —. ಭಾರಿ ಮಳೆಯಿಂದಾಗಿ ನಾವು ವಾರಗಳವರೆಗೆ ಮನೆಯ ಒಳಗೆಯೇ ಇರಲು ಕಾರಣವಾಗಿದ್ದು ಮಾತ್ರವಲ್ಲದೆ ಹೊರಜಗತ್ತಿಗೆ ಕೊಂಡಿಯಾಗಿರುವ ನಮ್ಮ ಸೇತುವೆಗಳು ನಾಶವಾಗಲು ಕೂಡ ಕಾರಣವಾಗಬಹುದು ಮತ್ತು ಭೂಕುಸಿತ ಸಂಭವಿಸಬಹುದು. ನಾವು ಅದೃಷ್ಟಶಾಲಿಯಾಗಿದ್ದೇವೆ, ನಮ್ಮ ಹೊಲಗಳು ಮತ್ತು ಹಳ್ಳಿಗಳು ಸುರಕ್ಷಿತವಾಗಿವೆ – ಆದರೆ ಅನೇಕ ಇತರ ಹಳ್ಳಿಗಳಲ್ಲಿ ಜನರು ತಮ್ಮ ಮನೆಗಳು, ಹೊಲಗಳು ಮತ್ತು ಪ್ರಾಣಗಳನ್ನೂ ಕೂಡ ಕಳೆದುಕೊಂಡಿದ್ದಾರೆ. ಹವಾಮಾನ ವೈಪರೀತ್ಯದಿಂದಾಗಿ ರೈತರು ತಮ್ಮ ಬೆಳೆಗಳನ್ನು ಕೂಡ ಕಳೆದುಕೊಳ್ಳುತ್ತಿದ್ದಾರೆ. ಈ ವರ್ಷದ ಜನವರಿಯಲ್ಲಿನ ಅನಿರೀಕ್ಷಿತ ಮಳೆಯಿಂದಾಗಿ ಕಾಫಿ ಬೆಳೆಗಾರರು ತಮ್ಮ ಬೆಳೆ ಕಳೆದುಕೊಂಡರು. ಅನೇಕ ರೈತರು ತಮ್ಮ ಭೂಮಿಗಳನ್ನು ಕಳೆದುಕೊಂಡರು ಮತ್ತು ಅವರಿಗೆ ಈಗ ಏನು ಮಾಡಬೇಕೆಂದು ತಿಳಿದಿಲ್ಲ.

ನಮ್ಮ ಪ್ರದೇಶದಲ್ಲಿ ಇತರ ಮಾರ್ಗಗಳಿಂದ ಪರಿಸರ ಅವನತಿಯನ್ನು ಕೂಡ ಅನುಭವಿಸಿದೆ. ಅಕೇಶಿಯ ಮತ್ತು ನೀಲಗಿರಿ ತೋಟಗಳಂತಹ ಏಕಸಂಸ್ಕೃತಿಯ ತೋಟಗಳ ಸಂಖ್ಯೆ ಹೆಚ್ಚುತ್ತಿರುವ ಜೊತೆಯಲ್ಲಿ ಕೆಲವು ಕಂಪನಿಗಳು ಮತ್ತು ಜನರು ಕಾಡಿನಲ್ಲಿನ ಮರಗಳನ್ನು ಕತ್ತರಿಸುತ್ತಿದ್ದಾರೆ. ಅರಣ್ಯನಾಶದಿಂದ ಜನರ ತೊಂದರೆ ಉಂಟಾಗುತ್ತದೆ. ಬುಡಕಟ್ಟು ಜನಾಂಗದವರು ತಾವು ಹುಟ್ಟಿ-ಬೆಳೆದ ಸ್ಥಳವನ್ನು ಕಳೆದುಕೊಂಡಿದ್ದಾರೆ. ಕಾಡು ಪ್ರಾಣಿಗಳಾದ ಚಿರತೆಗಳು, ನವಿಲುಗಳು, ಆನೆಗಳು ಮತ್ತು ಕಾಡೆಮ್ಮೆಗಳು ತಮ್ಮ ಆವಾಸಸ್ಥಾನಗಳನ್ನು ಕಳೆದುಕೊಂಡಿವೆ, ಇದರಿಂದಾಗಿ ಅವು ಸುರಕ್ಷತೆಗಾಗಿ ನಮ್ಮ ಹಳ್ಳಿಗಳಿಗೆ ಬರಲು ಮತ್ತು ನಮ್ಮ ಬೆಳೆಗಳನ್ನು ತಿನ್ನಲು ಕಾರಣವಾಗಿದೆ. ನಾವು ಅವುಗಳನ್ನು ದೂಷಿಸಲು ಸಾಧ್ಯವಿಲ್ಲ. ಅವುಗಳಿಗೆ ಸಾಕಷ್ಟು ಆಹಾರ ದೊರೆಯುತ್ತಿಲ್ಲ ಏಕೆಂದರೆ ಯಾವುದೇ ಕಾಡು ಉಳಿದಿಲ್ಲ! ಕಳೆದ ವರ್ಷ, ಕೇರಳದಲ್ಲಿ ಗರ್ಭಿಣಿ ಆನೆಯೊಂದು ನದಿಯಲ್ಲಿ ನಿಂತು ಮೃತಪಟ್ಟಿತು. ತನಿಖೆಯ ನಂತರ, ಅದು ಪಟಾಕಿಗಳನ್ನು ನುಂಗಿತ್ತು ಎಂದು ತಿಳಿದುಬಂತು. ಪ್ರತಿದಿನವೂ ಇದೇ ರೀತಿಯ ಪ್ರಕರಣಗಳು ನಡೆಯುತ್ತಿವೆ ಆದರೆ ಯಾರೂ ಗಮನಿಸುತ್ತಿಲ್ಲ.

“ಅರಣ್ಯನಾಶದಿಂದ ಜನರ ತೊಂದರೆ ಉಂಟಾಗುತ್ತದೆ. ಬುಡಕಟ್ಟು ಜನಾಂಗದವರು ತಾವು ಹುಟ್ಟಿ-ಬೆಳೆದ ಸ್ಥಳವನ್ನು ಕಳೆದುಕೊಂಡಿದ್ದಾರೆ. ಕಾಡು ಪ್ರಾಣಿಗಳಾದ ಚಿರತೆಗಳು, ನವಿಲುಗಳು, ಆನೆಗಳು ಮತ್ತು ಕಾಡೆಮ್ಮೆಗಳು ತಮ್ಮ ಆವಾಸಸ್ಥಾನಗಳನ್ನು ಕಳೆದುಕೊಂಡಿವೆ, ಇದರಿಂದಾಗಿ ಅವು ಸುರಕ್ಷತೆಗಾಗಿ ನಮ್ಮ ಹಳ್ಳಿಗಳಿಗೆ ಬರಲು ಮತ್ತು ನಮ್ಮ ಬೆಳೆಗಳನ್ನು ತಿನ್ನಲು ಕಾರಣವಾಗಿದೆ. ನಾವು ಅವುಗಳನ್ನು ದೂಷಿಸಲು ಸಾಧ್ಯವಿಲ್ಲ. ಅವುಗಳಿಗೆ ಸಾಕಷ್ಟು ಆಹಾರ ದೊರೆಯುತ್ತಿಲ್ಲ ಏಕೆಂದರೆ ಯಾವುದೇ ಕಾಡು ಉಳಿದಿಲ್ಲ!”

— ವನ್ಯಾ ಸಾಯಿಮಾನೆ

ಪಶ್ಚಿಮ ಘಟ್ಟಗಳು ಯುನೆಸ್ಕೋ ವಿಶ್ವ ಪರಂಪರೆಯ ಕೇಂದ್ರ ಆಗಿದ್ದರೂ, ನಮ್ಮ ಪ್ರದೇಶದಲ್ಲಿ ನನಗೆ ಹೊಸ ಹೊಸ ಕಂಪನಿಗಳು ಮತ್ತು ನಮ್ಮ ಸರ್ಕಾರಿ ಕಟ್ಟಡ, ಹೊಸ ಅಣೆಕಟ್ಟುಗಳು ಮತ್ತು ಪರಮಾಣು ವಿದ್ಯುತ್ ಸ್ಥಾವರ ಯೋಜನೆಗಳು ಕಾಣಿಸುತ್ತಿವೆ. ಇದು ನಮ್ಮ ಕಾಡುಗಳು ಮತ್ತು ನದಿಗಳಿಗೆ ಮತ್ತಷ್ಟು ಅಪಾಯ ಒಡ್ಡುತ್ತಿವೆ. ಪಶ್ಚಿಮ ಘಟ್ಟಗಳು ಸುಂದರ ನದಿಗಳಿಗೆ ಹೆಸರುವಾಸಿಯಾಗಿದೆ. ನನ್ನ ಜಿಲ್ಲೆಯಲ್ಲಿಯೇ ಐದು ನದಿಗಳಿವೆ. ಆದರೆ ಈಗ ನಮ್ಮ ನದಿಗಳು ಸೌಂದರ್ಯ ಈಗ ಕಳೆದುಕೊಂಡಿವೆ. ಉದಾಹರಣೆಗೆ, 'ಕಾಳಿ ನದಿಯು ಅತ್ಯಂತ ಶ್ರೀಮಂತ ಜೀವವೈವಿಧ್ಯ ಮತ್ತು ಹಚ್ಚ ಹಸಿರಿನ ಕಾಡುಗಳಿಗೆ ಪ್ರಮುಖಮೂಲವಾಗಿದೆ; ಈಗ ಇದಕ್ಕೆ ಆರು ವಿಭಿನ್ನ ಅಣೆಕಟ್ಟುಗಳು ಮತ್ತು ಒಂದು ಪರಮಾಣು ವಿದ್ಯುತ್ ಸ್ಥಾವರ ಹಾಗೂ ಒಂದು ಕಾಗದದ ಗಿರಣಿಯನ್ನು ಸೇರಿಕೊಂಡಿದೆ.

ಆದರೆ ಪಶ್ಚಿಮ ಘಟ್ಟಗಳಲ್ಲಿನ ಜನರ ಸಂಸ್ಕೃತಿಯು ನಮ್ಮ ಕಾಡುಗಳನ್ನು ಮತ್ತು ಅವುಗಳನ್ನು ಉಳಿಸಲು ಆದ್ಯತೆ ನೀಡುತ್ತದೆ. ನಮ್ಮ ದೇವರು ನೆಲಸಿದ್ದಾರೆ ಎಂದು ನಂಬುವ ಕಾಡುಗಳು ಮತ್ತು ಸಣ್ಣ ತೋಪುಗಳನ್ನು ದೇವರ ಕಾಡು ಎಂದು ಕರೆಯಲಾಗುತ್ತದೆ. ಅಲ್ಲಿ ವಾಸಿಸುವ ಜನರು ಅಂದರೆ ನಾವು ಪ್ರಕೃತಿ ಶಕ್ತಿ ಎಂದು ಪರಿಗಣಿಸುತ್ತಾರೆ. ನನ್ನ ಸಮುದಾಯದಲ್ಲಿ, ಪರಿಸರವನ್ನು ನಮ್ಮ ದೇವರು ಎಂದು ಪರಿಗಣಿಸುವುದರಿಂದ ಅದನ್ನು ನಾವು ಗೌರವಿಸುತ್ತೇವೆ. ಅನೇಕ ಹಳ್ಳಿಗಳಲ್ಲಿ, ನಾವು ಹುಲಿ ದೇವರ ಕತ್ತೆಗಳನ್ನು ಕಾಣಬಹುದು. ಜನರು ತಮ್ಮ ಜಾನುವಾರುಗಳನ್ನು ಸಂರಕ್ಷಿಸಲು ಅವುಗಳನ್ನು ಪೂಜಿಸುತ್ತಾರೆ. ಹಾಗೆಯೇ ಕಾಳಿ ನದಿ ಕಣಿವೆಯಲ್ಲಿರುವ ಕುಣುಬಿ ಎಂಬ ಸಮುದಾಯದಲ್ಲಿ, ಅವರು 100 ಕ್ಕೂ ಹೆಚ್ಚು ವಿಧದ ಗೆಡ್ಡೆಗೆಣಸು ಬೆಳೆಗಳನ್ನು ಸಂರಕ್ಷಿಸಿದ್ದಾರೆ.

(ಚಿತ್ರಕೃಪೆ: ಬಾಲಚಂದ್ರ ಹೆಗಡೆ ಸಾಯಿಮನೆ)

ಕಾಡುಗಳು ನಮ್ಮ ಸಂಸ್ಕೃತಿಯಲ್ಲಿ ಹಾಸುಹೊಕ್ಕಾಗಿರುವುದರಿಂದ, ನಮ್ಮ ಜನರು ಅವುಗಳನ್ನು ರಕ್ಷಿಸಲು ಬದ್ಧರಾಗಿದ್ದಾರೆ. ಅವರು ತಮ್ಮ ನೆಲೆಯನ್ನು ಉಳಿಸಿಕೊಳ್ಳಲು, ನದಿ ಜೋಡಣೆಯ ಯೋಜನೆಗಳನ್ನು ತಡೆಯಲು ಮತ್ತು ನಮ್ಮ ಕಾಡುಗಳನ್ನು ಸಂರಕ್ಷಿಸಲು ನ್ಯಾಯಾಲಯಗಳಲ್ಲಿ ಹೋರಾಡುತ್ತಿದ್ದಾರೆ. ಅನೇಕ ಪರಿಸರವಾದಿಗಳು ವಿನಾಶಕಾರಿ ಯೋಜನೆಗಳ ವಿರುದ್ಧ ಮುಷ್ಕರ ನಡೆಸುತ್ತಿದ್ದಾರೆ. ಹೆಚ್ಚು ಹೆಚ್ಚು ಜಾಗೃತಿ ಮೂಡಿಸುವ ಕಾರ್ಯಕ್ರಮಗಳು ನಡೆಯುತ್ತಿವೆ. ಹವಾಮಾನ ಬದಲಾವಣೆಯು ಪಶ್ಚಿಮ ಘಟ್ಟದ ​​ಮೇಲೆ ಹೇಗೆ ಪರಿಣಾಮ ಬೀರುತ್ತಿದೆ ಎಂಬುದರ ಬಗ್ಗೆ ಇಲ್ಲಿನ ಯುವಕರು ತಾವಾಗಿಯೆ ಅರಿತುಕೊಳ್ಳುತ್ತಿದ್ದಾರೆ. ಮಕ್ಕಳಿಗಾಗಿ ಲೇಖಕರು ಪಶ್ಚಿಮ ಘಟ್ಟದಲ್ಲಿನ ಸಮಸ್ಯೆಗಳ ಬಗ್ಗೆ ಕಥೆಗಳನ್ನುಗಳನ್ನು ಬರೆಯುತ್ತಿದ್ದಾರೆ ಮತ್ತು ಅವರಿಗಾಗಿ ಪ್ರಕೃತಿ ಶಿಬಿರಗಳು ಮತ್ತು ಕಾರ್ಯಾಗಾರಗಳನ್ನು ಆಯೋಜಿಸುತ್ತಿದ್ದಾರೆ. ಅನೇಕ ಪರಿಸರ ಸಂರಕ್ಷಣಾವಾದಿಗಳು ನಮ್ಮ ನೆಲೆಗಳನ್ನು ಉಳಿಸಲು ತಮ್ಮಿಂದ ಸಾಧ್ಯವಿರುವಷ್ಟು ಪ್ರಯತ್ನ ಮಾಡುತ್ತಿದ್ದಾರೆ. ಇತರ ಸ್ಥಳಗಳಿಗೆ ಹೋಲಿಸಿದರೆ, ಸಾಕಷ್ಟು ಯುವಕರ ಬೆಂಬಲವಿಲ್ಲದಿದ್ದರೂ, ಪರಿಸ್ಥಿತಿ ಕೈಮೀರಿ ಹೋಗುವುದಕ್ಕೂ ಮೊದಲೇ ನನ್ನ ಹೆಚ್ಚಿನ ಗೆಳೆಯರು ಸಹಕರಿಸುತ್ತಾರೆ ಎಂದು ನಾನು ಭಾವಿಸುತ್ತೇನೆ. ನಮ್ಮ ಭೂಮಿ ಮತ್ತು ನಮ್ಮ ನೆಲೆಗಳನ್ನು ಸಂರಕ್ಷಿಸಿಕೊಳ್ಳಲು ನಮಗೆ ಇನ್ನೂ ಅವಕಾಶವಿದೆ.

ನನ್ನ ಪಶ್ಚಿಮ ಘಟ್ಟಗಳು ಮೊದಲಿನಂತೆಯೇ ಹಸಿರಾಗಬೇಕೆಂದು ನಾನು ಬಯಸುತ್ತೇನೆ. ನದಿಗಳು ಮತ್ತು ನೀರಿನ ಮೂಲಗಳು ಯಾವುದೇ ಅಡಚಣೆಯಿಲ್ಲದೇ ಮುಕ್ತವಾಗಿ ಹರಿಯಬೇಕೆಂದು ನಾನು ಬಯಸುತ್ತೇನೆ. ನನ್ನ ಕಾಡುಗಳು ಮತ್ತೆ ಅಭಿವೃದ್ಧಿ ಹೊಂದಬೇಕೆಂದು ನಾನು ಬಯಸುತ್ತೇನೆ. ನಮ್ಮ ಜನರ ಶ್ವಾಸಕೋಶವು ಮತ್ತೆ ಉಸಿರಾಡುವಂತಾಗಲಿ ಎಂದು ನಾನು ಬಯಸುತ್ತೇನೆ. ಈಗ ಬದಲಾವಣೆಯು ಪ್ರಾರಂಭಗೊಂಡಿದೆ. ಅದನ್ನು ಒಂದು ಸಕಾರಾತ್ಮಕ ಬದಲಾವಣೆಯನ್ನಾಗಿಸಲು ನಾನು ನಿರ್ಧರಿಸಿದ್ದೇನೆ.